विमा कम्पनीका कारण मिर्गौलाको नियमित डायलाईसिस गराईरहेका ३१९ जना कोरोना विमावाट बन्चित

 

बुटवल २८ असोज
मिर्गौलाको नियमित डायलाईसिस गराईरहेका बिरामी मध्ये बिमा नगरेका ३१९ जना विरामीहरु कोरोना विमावाट बन्चित भएका छन ।
मिर्गौलाका विरामीहरु कोरोना संक्रमणको उच्च जोखिम रहेको भन्दै कुनैपनि विमा कम्पनीले विमा गर्न तयार नभएपछि ती विरामी अन्यायमा परेको गौतमबुद्ध सामुदायिक मुटु अस्पतालका अध्यक्ष एजाज आलमद्धारा जारी विज्ञप्तिमा उल्लेख गरिएको छ ।
गौतमबुद्ध सामुदायिक मुटु अस्पतालबाट अस्पतालमा नियमित मिर्गौलाको डायलाईसिस गराईरहेका विरामीहरुको निशुल्क कोरोना विमा गरिदिने निर्णय गरिएको थियो । ३१९ जना विरामीहरुको कोरोना विमा कार्यको लागि बुटवल उपमहानगरपालिकाबाट सिफारिस समेत लिईसकेको अवस्थामा विमा कम्पनी तयार नभएपछि समस्या उत्पन्न भएको र उक्त कार्य रोकिएको अस्पतालले जनाएको छ ।
विगत सात महिना यता विश्वभर फैलिएको कोरोना महामारीपछि नेपालमा कोरोना विमा गराउनेहरुको लहर बढिरहेको छ । हरेक संघसंस्था, कार्यालय तथा व्यक्तिगत रुपमा समेत सर्वसाधारणले कोरोना विमा गराउने क्रम अहिले पनि जारी छ ।

 

You might also like