बुटवलमा भएको अन्तरक्रियाःबिचार नमिल्नेसंग सहकार्य नहुदां स्थानीयतह जवाफदेही भएनन्

बुटवल १८ मंसिर
मुलुक नयाँ संरचनामा रुपान्तरण भएतापनि नीजी क्षेत्रसँगको सहकार्यमा स्थानीय सरकार जवाफदेही बन्न नसकेको गुनासो सरोकारवालाले औल्यायका छन् । नयाँ संरचना अनुसार स्थानीय सरकार अधिकार सम्पन्न हुँदा नीजीसँगको सहकार्यमा चुकेको र नीजीसँगको सहकार्य गर्ने नखोजेको उनीहरुले टिप्पणि गरेका छन ।
सुत्र सलुशन र चाँदनी नेपालले बिहीबार बुटवलमा गरेको स्थानीय विकासमा नीजी क्षेत्रको सहभागिता विषयक सञ्चारकर्मीसँगको छलफलमा स्थानीय सरकारले नै नीजी क्षेत्रसँगको सहकार्य गर्न नचाहेको टिप्पणि गरेका थिए । सुत्र सलुशनका कार्यकारी निर्देशक राजु शर्माको अध्यक्षतामा भएको कार्यक्रममा नेपाल पत्रकार महासंघ रुपन्देही अध्यक्ष यानेन्द्र जिसिले स्थानीय सरकारले सुचना लुकाउने परिपार्टीको अन्त्य गर्नु पर्ने सुझाव दिनुभयो । उहाँले नीजी क्षेत्रसँगको सहकार्यमा स्थानीय सरकारले धेरै विकास निर्माणका कामहरु सम्पन्न गर्न सक्ने भएता पनि नीजी संघसंस्थासँग सहकार्यनै गर्न नचाहेको गुनासो गर्नुभयो । कार्यक्रममा पत्रकार यमलाल भुसाल, टिआर शर्मा, एनवी कण्डेल, सुदिप भण्डारी, झविन्द्र देवकोटा लगायतले स्थानीय तहले विचारका आधारमा केही नीजी क्षेत्रलाई मात्र सहभागिता गराउने, पारदर्शी र सुशासनमा प्रश्न उठेको टिप्पणि गर्नुभयो । चाँदनी नेपालका अध्यक्ष भवानी प्रसाद पाण्डेको संचालनमा भएको कार्यक्रममा रुपन्देहीका अनलाईन, छापा र विद्युतिय संचारमाध्यममा आवद्ध संचारकर्मीको सहभागिता रहेको थियो ।

You might also like