सशस्त्र प्रहरी सहायक हवल्दार लिल बहादुर ३५ हजार घुष रकम सहित पक्राउ

बुटवल १९ मंसिर
सशस्त्र प्रहरी बल, बोर्डर आउट पोष्ट कृष्णनगरका सशस्त्र प्रहरी सहायक हवल्दार लिल बहादुर गुरुङलाई अख्तियारले रंगेहात पक्राउ गरेको छ ।
सहायक हवल्दार गुरुङले घरायसी सामान ओसारपसारमा सहजिकरण गरिदिए बापत सेवाग्राहीसँग ३५ हजार रुपैयां घुसलिदै गर्दा अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले पक्राउ गरेको हो ।
विशेष सूचनाको आधारमा अख्तियारको खटिएको टोलीले आरोपितलाई सेवाग्राहीबाट घूस रकम सहित शुक्रवार पौने १ वजे पक्राउ गरेको अख्तियार दुरुपयोग अनुसन्धान आयोगको कार्यालय, बुटवलका सूचना अधिकारी शुरेस भुसालले बताउनु भयो ।
कपिलवस्तु, कृष्णनगर नगरपालिका वडा नं.२ गोलघर स्थित मिलन रेष्टुरेन्ट एण्ड दुर्गा गेष्ट हाउसबाट गुरुङलाई नियन्त्रणमा लिई अनुसन्धान भइरहेको अख्तियारले जनाएको छ ।

You might also like