सरकार विरुद्धको विरोध प्रदर्शन ः राष्ट्रपतिलाई सबैको साझा बन्न नत्र राजिनामा दिएर राजनीति गर्न कांग्रेस नेताको चेतावनी

बुटवल २९ मंसिर
नेपाली कांग्रेस जिल्ला कार्यसमिति रुपन्देहीको आयोजनामा सरकारविरुद्ध भैरहवामा सोमबार विरोध प्रदर्शन गरिएको छ । हजारौको संख्यामा सहभातिा रहेको विरोध पदर्शनीमा सरकारको सर्वसत्तावादी प्रवृत्ति, कोभिड–१९ नियन्त्रणमा असफलता, स्वास्थ्य क्षेत्रमा अनियमितता, राज्य आतंक, चर्को मुल्य वृद्धि, भ्रष्टाचार, महिला हिंसा, कर वृद्धि र कुशासन सम्बन्धमा नारावाजी गरिएको थियो ।
भैरहवाको बुद्धचोकबाट निस्केको विरोध ¥याली नयाँसडक, देवकोटा चोक, बैंकरोड, नारायणपथ हुँदै पुनः बुद्धचोकमा पुगेर सभामा परिणत भएको थियो । प्रदर्शनमा सहभागि कांग्रेसका नेता कार्यकर्ताहरुले सरकार विरोधी नारा लगाएका थिए ।
सभामा कांग्रेस केन्द्रीय सदस्य सुरेन्द्र पाण्डेले सरकारका गलत क्रिर्याकलापका कारण सडकमा गणतन्त्र विरोधी नारा लाग्न थालेको बताउनु भयो ।
उहाँले वर्तमान व्यवस्था विरुद्ध नभई सरकार विरुद्ध सडकमा नारावाजी भएको भन्दै आम जनता र सरकारलाई सुनाउन नेपाली कांग्रेसले विरोध सभा गरेको स्पष्ट पार्नु भयो ।
पूर्व राजा ज्ञानेन्द्रलाई पर्दा पछाडीवाट षडयन्त्र नर्गन चेतावनी दिदै नेता पाण्डेले हिम्मत भए दल दर्ता गरेर खुल्ला राजनीतिमा आउन आह्वान समेत गर्नु भयो ।
राष्ट्रपति विद्या देवि भण्डारीलाई सबैको साझा हुन माग गदै उहांले नेकपाको राजनीति गर्ने भए राजिनामा दिएर राष्ट्रपति पदको गरिमा बचाउन आह्वान गर्नु भयो । नेता पाण्डेले प्रहरी प्रशासन र कर्मचारीलाई नेकपाको सति नजान भन्दै कानुनको पालना गर्न चेतावनी समेत दिनु भयो ।
प्रतिनिधिसभाको सार्वजनिक लेखा समितिका सभापति भरत कुमार शाहले जनताले तिरेको करमा भष्ट्राचार मौलाएकोले नेपाली काग्रेसले त्यसको विरुद्ध आन्दोलन गर्नु परेको बताउनु भयो । सभापति शाहले सरकारले हरेक क्षेत्रमा कमजोरी गरेको जनजिविकाको सवालमा गम्भिर नभएको,केवल भष्ट्राचारमा मात्र केन्द्रित भएको भन्दै कम्युनिष्टको सरकारले अन्तराष्ट्रिय रुपमै नेपालको बेईजेति कमाएको दावि गर्नु भयो ।
कांग्रेस रुपन्देहीका सभापति अब्दुल रज्जाक, पूर्व जिल्ला सभापति रामचन्द्र ढकाल, प्रतिनिधिसभा सदस्य प्रमोद कुमार यादव, संविधानसभा सदस्य इस्तियाक अहमद खान, कांग्रेस रुपन्देही उपसभापति सरिता चौधरी, क्षेत्र नम्बर १ का सभापति हिरा बहादुर खत्री र सिद्धार्थ उद्योग वाणिज्य संघ रुपन्देहीका अध्यक्ष कुल प्रसाद न्यौपाने लगायतले आम नागरिकको कृषि, स्वास्थ्य ,शिक्षाको दाईत्ववाट सरकार पंन्छिएको केवल भष्ट्रचारमा मात्र केन्द्रित भएको धारणा राख्नु भएको थियो ।

रुपन्देहीको भैरहवामा निस्केको नेपाली कांग्रेसको सरकार विरुद्धको प्रदर्शनीमा सहभागिहरुको झलक



You might also like