थप ३६२ जनामा कोरोना संक्रमण, ६९९ जना डिस्चार्ज

काठमाडौँ,२५ पुस ।
नेपालमा शनिबार थप ३६२ जनामा कोरोना संक्रमण पुष्टि भएको छ ।

यससँगै नेपालमा कोरोना संक्रमितको संख्या २ लाख ६४ हजार ५२१ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा थप ६९९ जना कोरोना संक्रमित निको भएर डिस्चार्ज भएका छन् । नेपालमा हालसम्म निको हुनेको संख्या २ लाख ५७ हजार ९२८ पुगेको छ ।

त्यस्तै पछिल्लो २४ घण्टामा थप ३ जना कोरोना संक्रमितको मृत्यु भएको छ । हालसम्म नेपालमा कोरोना संक्रमित मृतकको संख्या १ हजार ९१२ पुगेको छ ।

यस्तै, पछिल्लो २४ घण्टामा काठमाडौं उपत्यकामा थप १९४ कोरोना संक्रमण पुष्टि भएको मन्त्रालयले जनाएको छ । जसमध्ये काठमाडौंमा १५३, ललितपुरमा २३ र भक्तपुरमा १८ जना रहेका छन् । हाल देशभरी सक्रिय संक्रमितको संख्या ४ हजार ६८१ रहेको छ ।

You might also like