व्यापक जनगुनासो आयसंगै गुणस्तरहिन २१ सय बढी थान सिलिण्डर नष्ट

बुटवल २८ पुस
व्यापक जनगुनासो आयसंगै त्रिशुल ग्यास प्रा.लि.ले गुणस्तरहिन पुरानो सिलिण्डर नष्ट गर्न सुरु गरेको छ । गुणस्तरहिन पुरानो सिलिण्डर नष्ट भएसंगै अब उपभोक्ताले मूल्य अनुसारको तौलको शिलिण्डर पाउने भएका छन ।
यस्तै अन्य कम्पनीका पनि गुणस्तरहिन पुरानो सिलिण्डर नष्ट गर्नु पर्दछ । त्यसतर्फ सरोकारवाला निकायको ध्यान जान जरुरी रहेको छ ।
एभरेष्ट ग्यास समूह अन्तर्गतका उद्योगहरुमा म्याद नाघेको, प्वाल परेको, हाइड्रो टेष्टमा फेल भएका र बिग्रिएका गुणस्तरहिन सिलिण्डरहरु नष्ट गर्न सुरु गरिएको त्रिशुल ग्यास प्रा.लि.का व्यवस्थापक देवी प्रसाद भुसालले बताउनु भयो ।
सात प्रदेशमा रहेका सातवटै कम्पनीहरुमध्ये पुस महिनाभित्र प्रिमा ग्यास उद्योगले ६९० थान, सुगम ग्यास उद्योग खानीखोला धादिङले ४०५ थान, एभरेष्ट ग्यास उद्योग काठमाण्डौंले ६९० थान र त्रिशुल ग्यास प्रा.लि. रुपन्देहीले ३६३ थान गरी प्रथम चरणमा २ हजार १ सय ३३ थान सिलिण्डरहरु नष्ट गरिने भुसालले जानकारी दिनु भयो ।
भुसालका अनुसार करिब ४९ लाख बराबरको सिलिण्डरहरु नष्ट गरिनेछ । एभरेष्ट ग्यास समुहद्धारा प्रबर्तित सातवटा प्रदेशमा रहेका उद्योगहरुका ग्यास सिलिण्डरहरु अत्याधिक पुराना तथा बिग्रिएका, चुहिने, प्वाल परेका सिलिण्डरहरु गुणस्तर तथा नापतौल विभाग कार्यालय बुटवलका सञ्जय यादव, मोहन प्रसाद पाण्डे, रमेश प्रसाद पाण्डे, वाणिज्य आपूर्ति तथा उपभोक्ता संरक्षण कार्यालय भैरहवाका टेकराज पन्थी, जिल्ला प्रशासन कार्यालय रुपन्देहीका बालकृष्ण आचार्य, ग्यास विक्रेता, प्रहरी तथा सञ्चारकर्मीहरुको रोहबरमा नष्टको कार्य सुरुवात गरिएको उद्योगका बजार प्रबन्धक उत्तम कार्कीले बताउनु भयो ।

You might also like