विवेकशील साझा पार्टीद्धारा राजनीतिक संवाद समिति गठन

बुटवल,२९ पुस ।
विवेकशील साझा पार्टीले विभिन्न पार्टी, समूह, अभियान र व्यक्तिहरूसँग सम्भावित एकता, सम्मिलन र सहकार्यको अन्वेषण र वार्ता गर्नका लागि राजनीतिक संवाद समिति गठन गरेको छ ।

मंगलबार बसेको पार्टीको केन्द्रीय समितिको बैठकले नेतृत्वमा पुगेर सुसंस्कार र सुशासनद्वारा देश रूपान्तरणको लक्ष्य हासिल गर्न पार्टीको आकार र सामर्थ्यमा व्यापक वृद्धि गर्नुपर्ने निष्कर्षका साथ राजनीतिक संवाद समिति गठन गरेको पार्टीका प्रवक्ता शरदराज पाठकद्धारा जारी विज्ञप्तिमा जनाइएको छ ।

केशब दाहालको संयोजकत्वमा गठन भएको उक्त समितिमा अनुपमान सैँजु, रञ्जु दर्शना,पुकार बम, रमेश पौड्याल र समिक्षा बास्कोटा सदस्य रहनुभएको छ ।

राजनीतिक संवाद समितिका संयोजक दाहालले समितिले आफ्नो तर्फबाट लिने अग्रसरताको अलावा विवेकशील साझा पार्टीसँग मिलेर अघि बढ्न चाहने पार्टी, समूह, अभियान र व्यक्तिहरूलाई समितिसँग सम्पर्क गर्न पनि आग्रह गर्नुभएको छ ।

You might also like