जलाएर हत्या गरिएको अवस्थामा रुपन्देहीमा एक युवकको शव फेला

बुटवल,७ माघ ।
रुपन्देहीको मर्चवारमा एक युवकको जलाएर हत्या भएको छ । अन्दाजी ३५ वर्षका पुरुषको सनाखत हुन नसकेको प्रहरीले जनाएको छ ।

उनको मायादेवी गाउँपालिका–७ गरगट्टी गाउँमा दानव नदी किनारको खेतमा शरीरमा मट्टितेल खन्याएर आगो लगाई हत्या गरिएको अवस्थामा शव भेटिएको रुपन्देही प्रहरी प्रवक्ता डीएसपी सत्यनारायण थापाले जानकारी दिनुभयो ।

घटनास्थलमा रगत र प्लाष्टिकको पाइप पनि भेटिएको प्रहरीले जनाएको छ । घटनामा संलग्न दोषीको पहिचान हुन नसेकाले नेपालगञ्जबाट तालिम प्राप्त कुकुर ल्याएर अनुसन्धान शुरु गरिएको प्रवक्ता थापाले बताए ।

You might also like