काठमाण्डौ,७ माघ ।
नेपालमा बुधबार तीन सय १८ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा ५ हजार १२ जनाको पिसिआर परीक्षण गर्दा २०६ पुरुष र ११२ महिला गरी ३१८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको संख्या दुई लाख ६८ हजार तीन सय १० पुगेको छ ।
यस्तै पछिल्लो २४ घण्टामा तीन सय ८३ जना कोरोना संक्रमित निको भएर डिस्चार्ज भएका छन् ।
नेपालमा हालसम्म दुई लाख ६२ हजार ६ सय ४२ जना कोरोना संक्रमित निको भएर डिस्चार्ज भएका छन् ।
पछिल्लो २४ घण्टामा थप ६ जना कोरोना संक्रमितको मृत्यु भएको छ ।
यससँगै नेपालमा कोरोना संक्रमित मृतकको संख्या एक हजार नौ सय ७५ पुगेको स्वास्थ्य तथा जनसंख्या मन्त्रालयले जनाएको छ ।
हाल देशभर ३ हजार ६९३ जना कोरोनाका सक्रिय संक्रमित आइसोलसनमा रहेका छन् ।
संक्रमितमध्ये १६५ जना आईसीयूमा र ३३ जनाको भेन्टिलेटरमा उपचार भैरहेको छ ।