लुम्बिनी प्रदेशमा कोरोना विरुद्धको खोप वितरणमा ढिलाई भएको भन्दै मन्त्री त्रिपाठीद्धारा कर्मचारीलाई कडा चेतावनी

बुटवल १७ माघ .
लुम्बिनी प्रदेशमा कोरोना विरुद्धको खोप वितरणमा ढिलाई भएपछि संघीय स्वास्थ्य तथा जनसंख्या मन्त्री ह््रदेयश त्रिपाठी अनुगमनमा निष्कनु भएको हो ।
भारत सरकारले उपहार स्वरुप दिएको खोप पहिलो चरणमा स्वास्थ्यकर्मी , सरसफाईकर्मीलाई लगाउने भने पनि लुम्बिनी प्रदेशमा वितरणमा ढिलाई भएको छ । शनिबार लुम्बिनी प्रदेशको बुटललको लुम्बिनी प्रादेशिक अस्पतालमा आईपुग्नु भएका मन्त्रीले प्रदेशको सामाजिक विकास मन्त्रालयका कर्मचारीलाई एकै ठाउँमा रोखेर वितरणमा किन ढिलाई भयो भन्दै प्रश्न गर्न भयो ।
मन्त्री त्रिपाठी लुम्बिनी प्रादेशिक अस्पताल बुटवलमालुम्बिनी प्रदेशको सामाजिक बिकास मन्त्रालयका कर्मचारी तथा प्रादेशिक अस्पतालका कर्मचारी र पदाधिकारीसँग छलफलमा जुट्नुभयो । प्रदेश स्वास्थ्य निर्देशनालयका निर्देशक डा. बिनोद गिरी , कोरोना विरुद्धको खोप ब्यवस्थापन लुम्बिनी प्रदेशका संयोजक डा. विकास देवकोटा , प्रदेश आपुर्ति केन्द्रका प्रमुख दिनेश चापागाई ,लुम्बिनी प्रादेशिक अस्पताल बुटवलका अध्यक्ष सूर्य बहादुर भट्टराई र मेशु राजेन्द्र खनाललाई मन्त्री त्रिपाठीले किन खोप वितरणमा ढिलाई भयो भन्दै प्रश्न गर्नु भएको थियो ।
कोरोना विरुद्धको खोप वितरणमा ढिलाई किन भयो भन्दै स्वास्थ्य मन्त्री त्रिपाठीले कर्मचारी माथि पडकिनु भयोे । विश्वमा कोरोना विरुद्धको खोपको अभाव भईरहेको वेला भारत सरकारले उपहार स्वरुप प्रदान गरेको खोप वितरणमा लुम्बिनी प्रदेशका जिल्लामा ढिलो वितरण भएको भन्दै मन्त्री त्रिपाठीले गल्ती महशुष गर्न चेतावनी समेत दिनु भयो ।
जिल्ला स्वास्थ्य कार्यालयले खोप समन्वय समितिका संयोजक प्रमुख जिल्ला अधिकारी रहने गरि प्रत्येक जिल्लाका जिल्ला अस्पताल र १५ शैयाका अस्पतालबाट खोप वितरण गरेको छ ।
पहिलो चरणमा स्वास्थ्यकर्मी ,सरसफाईकर्मी ,बृद्धआश्रममा काम गर्ने , कैदिबन्दीलाई गरि ४ लाख ३ हजार जनालाई खोप दिईने सरकारको लक्ष्य रहेको छ ।
दोश्रो चरणमा अन्य नागरिकमा खोप वितरण गरिने छ ।
पहिलो चरणमा नै खोप दिन ढिलाई भएपछि स्वास्थ्य मन्त्री त्रिपाठी अनुगमनको लागि भन्दै लुम्बिनी प्रदेशमा आउनु भएको होे । उपहार स्वरुप पाएको खोप वितरणमा ढिलाई भएको भन्दै दोश्रो चरणमा कसरी ब्यवस्थापन गर्न सकिन्छ भन्ने सम्बन्धमा आफुलाई पिर परेको समेत उहाँले बताउँनु भयो ।
तिन वटा ट्रायल पास गरेको र दुई वटा देशमा लागू गरेका खोप नेपाल ल्याईने बताउँनुभयो । सबैलाई निशुल्क लगाउने भनिएको छ । खोप वितरणको अभियानमा साथ नदिनु भनेको जनघात भएको मन्त्री त्रिपाठीको ठहर रहेको छ ।
त्यसपछ लुम्बिनी प्रदेशका रुकुम र रोल्पा जिल्लाका अस्पतालका प्रमुखहरुलाई फोन गरेर खोप पुगे नपुगेको र वितरणको बारेमा सोध्नुभयो ।
अबको तिन महिना भित्रमा ७२ प्रतिशत खोप लगाउन योग्य नेपालीलाई कोरोना विरुद्धको खोप दिईने उहाँले बताउँनुहुन्छ ।
लुम्बिनी प्रदेशमा ३९ हजार ४ सय ९५ जनाको लागि ८७ हजार ६ सय ७० डोज खोप लगाईने छ । शनिबारसम्म पहाड र तराईका जिल्लामा गरि २ हजार ६३ जनालाई खोप लगाईएको छ । १४ गते तराईका ६ वटा जिल्ला र १५ गते पहाडी जिल्लामा खोप अभियान सुरु गर्दा प्रदेशमा कोरोना विरुद्धको खोप लगाउन ढिला गएको लुम्बिनी प्रदेशको स्वास्थ्य निर्देशनालयले जनाएको छ ।
ड्ड

You might also like