तेस्रो लाफा राष्ट्रिय व्याडमिन्टन प्रतियोगिता बुटवलमा शुरु ९० टिमको सहभागिता

अन्तर्राष्ट्रिय स्तरको बहुउद्देश्यीय विविध पुर्वाधार विकासमा नगरपालिकाको जोड मेयर सुवेदी

बुटवल २३ माघ
लाफा समूह बुटवलको आयोजनामा शुक्रबारदेखि तेस्रो लाफा खुल्ला तथा भेट्रान्स पुरुष डबल राष्ट्रिय व्याडमिन्टन प्रतियोगिता २०७७ शुरु भएको छ ।
प्रतियोगिताको बुटवल उपमहानगरपालिकाका नगरप्रमुख शिवराज सुवेदीले उद्घघाटन गर्दै नगरमा खेलकुदको विकासमा स्वतस्फूर्त अग्रसर धेरै संघसंस्थाहरु रहेको बताउनु भयो । पछिल्लो समय खेलकुदका विद्यालाई समेट्ने गरि खेलकुद विकास समितिमा आवद्धता मार्फत काम अघि बढेको भन्दै उहाँले अन्तर्राष्ट्रिय स्तरको बहुउद्देश्यीय विविध पुर्वाधार विकासमा आफू लागेको बताउनु भयो ।
लाफा समुहका अध्यक्ष तारा रेश्मी मगरले यो प्रतियोगिता लुम्बिनी प्रदेशकै सर्वाधिक पुरस्कार राशिको ब्याडमिन्टन प्रतियोगिता भएको दाबी गर्नु भयो ।
प्रतियोगिताको खुल्लातर्फ उपाधि विजेताले नगद ५५ हजार ५ सय ५५, उपविजेताले नगद ४१ हजार ५ सय ५५ र तृतियलाई ३१ हजार ५ सय ५५ रुपैया, ट्रफि मेडल प्रमाणपत्रबाट पुरस्कृत गरिने छ । भेट्रान्स तर्फ २५ हजार ५ सय ५५, १५ हजार ५ सय ५५ तथा तृतियलाई १० हजार ५ सय ५५ रुपैया ट्रफि मेडल, प्रमाणपत्रबाट पुरस्कृत गरिने तथा प्रतियोगितामा उत्कृष्ट, अनुसासित र उदयमान खेलाडीहरुलाई समेत पुरस्कृत गरिने छ ।
प्रतियोगिताका संयोजक पुरन गाहाले टप रेकिङभन्दा बाहिरका खेलाडीहरुले भाग लिएको बताउनु भयो । यसवर्ष खुलातर्फ ६४ र भेट्रान्स तर्फ २६ गरि ९० टिमको सहभागिता रहेको छ ।शुक्रवार पहिलो चरणका खेल सम्पन्न भएका छन ।
२०७६ सालमा स्थापना भएको लाफा समूह यस क्षेत्रको सामाजिक संस्थाहरु मध्ये एक फरक पहिचान बनाएको छ ।

You might also like